Монгол Улс, БНХАУ-ын барилгын салбарын бизнес эрхлэгчдийн хамтын ажиллагааг өргөжүүлэх, чөлөөт бүс болон хөрөнгө оруулалтын талаар мэдээлэл солилцох  зорилгоотой бизнес уулзалтыг  БНХАУ-ын Эрээн хотод зохион байгуулахаар боллоо.
Бизнес уулзалтанд 2 орны барилгын бизнес эрхлэгчид санал солилцох, бизнесийн гэрээ хэлэлцээр хийх, хөрөнгө оруулалтын боломжуудаа нэмэгдүүлэх, барилгын салбарын эдийн засгийн өсөлтийн тогтвортой орчныг бүрдүүлэхэд түлхэц болно гэж үзэж байна. 
Уулзалтын үеэр Монгол Улсын талаас барилгын салбарын зах зээл, хамтын ажиллах  илтгэлүүд, БНХАУ-ын талаас чөлөөт бүсийн бодлого, бизнесийн боломж болон хамтын ажиллагаа танилцуулах илтгэлүүд тавигдаж, B2B уулзалт, бизнес аялал зохион байгуулагдана.
Бизнес уулзалтад 
Монголын Улсын талаас Монголын Барилгын Үндэсний Ассоциаци, Барилгын Ханган Нийлүүлэгчдийн Зөвлөл, Барилга.МН, 
БНХАУ-ын талаас Эрээн хотын үйлдвэр худалдааны нэгдсэн холбоо, Боомтын барилгын материалын нийгэмлэг, Эрээн хотын олон улсын худалдааны танхим зэрэг байгууллагууд хамтран зохион байгуулагчаар оролцож байна. 
БНХАУ-ын талаас Монгол Улсын зах зээлд барилгын материал нийлүүлэх сонирхолтой үйлдвэрлэгчид, ханган нийлүүлэгчид, хөрөнгө оруулагч бизнес эрхлэгчид оролцох ба Монгол улсын талаас барилгын төсөл хэрэгжүүлэгчид, ханган нийлүүлэгчид оролцоно. 
Иймд БНХАУ-ын Эрээн хотноо 2024 оны 4-р сарын 19-ний өдөр зохион байгуулагдах  “Монгол, Хятадын барилгын салбарын бизнес уулзалт”-д барилгын төсөл хэрэгжүүлэгчид, ханган нийлүүлэгчид та бүхнийг оролцохыг урьж байна.

Бүртгүүлэх линк: https://forms.gle/TtzyqnWy5QLtEGJe9
(Бүртгүүлэх хүний тоо хязгаартай)  

БАРИЛГЫН ХАНГАН НИЙЛҮҮЛЭГЧДИЙН ЗӨВЛӨЛ
Утас: 9910-6319