Барилгын салбарын хөгжилд өөрсдийн хичээл зүтгэл, хүч хөдөлмөрөө зориулж байгаа барилгачид, барилгын нийт ханган нийлүүлэгчид, бидний үйл ажиллагааг дэмжигч, хамтран ажиллагч байгууллагууд,  тэдгээрийн ажилтан хамт олон та бүхний амар амгаланг айлтган мэндчилж байна. 

Бид салбартаа төдийгүй олон улсад үйл ажиллагаагаараа хүлээн зөвшөөрөгдсөн байгууллага болох зорилгын хүрээнд салбартаа манлайлагч ханган нийлүүлэгч байгууллагуудтай үнэт зүйл, зорилгоо нэгтгэн, хүрээгээ тэлж, төрийн болон төрийн бус байгууллагууд, олон улсын түншүүдтэй олон талт хамтын ажиллагаагаа өргөжүүлэн, мэргэжлийн чиг үүргээ амжилттай хэрэгжүүлж, хамтран ажиллаж байна.

Гишүүдээ чадавхжуулан, мэдлэг туршлагаа харилцан хуваалцаж, олон улс дахь туршлага, шинэ техник, дэвшилтэд технологийг Монгол улсад нэвтрүүлэн хамтдаа хөгжлийн шат ахихын зэрэгцээ салбарын хөгжил болон бизнес эрхлэгчдийн үйл ажиллагаанд тулгамдаад буй нийтлэг асуудлуудыг шийдвэрлэх гарц шийдлийг эрэлхийлж, норм стандартыг сайжруулахад хүч хөдөлмөрөө дайчлан ажиллах болно.

Манай үйл ажиллагааг үргэлж дэмжин тусалж, хамтран ажиллаж, итгэл хүлээлгэж буй түншүүд, нийт гишүүд, төрийн болон төрийн бус байгууллагууд, бизнес эрхлэгчиддээ чин сэтгэлийн талархлаа илэрхийлэхийн зэрэгцээ Та бүхэндээ эрүүл энхийг хүсэн ерөөе.

Та бүхний их үйлс үргэлж  өөдөө байх болтугай

БАРИЛГЫН ХАНГАН НИЙЛҮҮЛЭГЧДИЙН

                        ЗӨВЛӨЛИЙН ТЭРГҮҮН                               Г.БАТСҮХ