Өнөөдөр шинэ үеийн барилгын салбар үүсэж хөгжсөний 97 жилийн ой, барилгачдын өдөр тохиож байгаа билээ.  Энэхүү түүхт өдөр "Ногоон хөгжилд түүчээлнэ" уриан дор "Барилга орон сууц 2023" үзэсгэлэн яармаг ёслол төгөлдөр нээлтээ хийлээ. 

Үзэсгэлэнгийн нээлтийн арга хэмжээнд Барилга МН үүсгэн байгуулагч Г.Батсүх, Барилгын хөгжлийн төв ТӨҮГ захирал Ц.Амарсанаа, Барилга, Хот байгуулалтын яамны Барилга, Барилгын Материалын Үйлдвэрлэлийн хэлтсийн дарга Д.Батзориг, Барилгын ханган нйилүүлэгчдийн зөвлөлийн гүйцэтгэх захирал М.Эрдэнэдэлгэр болон бусад барилгын салбарын төрийн бус байгууллагын тэргүүнүүд оролцож, салбарын хөгжил дэвшил, бодлого шийдвэрийн талаар танилцуулж, барилгачдын баярын мэндчилгээ дэвшүүллээ. 

Тус үзэсгэлэн 09 дүгээр сарын 08-10 - ны өдрүүдэд зохион байгуулагдаж байгаа бөгөөд эдгээр өдрүүдэд ипотек, компанийн болон хувь лизинд хамрагдах боломжтой төдийгүй ямар нэгэн дундын зуучгүйгээр 30 хүртэлх хувиар шинэ орон сууцаа хямдруулан авах нөхцөлийг иргэд, хэрэглэгчдэд олгож байгаа юм. 

“БАРИЛГА, ОРОН СУУЦ 2023” үзэсгэлэнд оролцож буй оролцогчдын үйл ажиллагааны чиглэлээс дурьдвал, Шинэ орон сууцны  төсөл хөтөлбөр хэрэгжүүлэгчид, амины орон сууц, хаусны төсөл хөтөлбөр хэрэгжүүлэгчид, барилгын материал үйлдвэрлэгчид, Барилгын ханган нийлүүлэгчид, Барилгын тоног төхөөрөмж, дэвшилтэт техник технологи нэвтрүүлэгчид, Олон улсын оролцогчид /Хятад, Орос, Итали/, Зураг төсөл, Интерьер дизайн, ландшафт,  Халаалт, агааржуулалтын шийдэл, Сэргээгдэх эрчим хүч гэх мэт чиглэлээр үйл ажиллагаа явуулдаг 200 орчим аж ахуйн нэгж байгууллагууд оролцож байна. Эдгээр оролцогчид маань үзэсгэлэнгийн өдрүүдэд хэрэглэгчдэдээ зориулан ОНЦГОЙ ХЯМДРАЛ, УРАМШУУЛАЛыг олгож, сонирхолтой үйл ажиллагаануудыг зохион байгуулна. 

Мөн “Төрийн бодлого шийдвэртэй холбоотой мэдээлэл” - үүд, “Эрчим хүчний хэмнэлттэй амины орон сууцны шийдэл” , “Үл хөдлөх хөрөнгийн зах зээл” “Дэвшилэт техник технологи, материал” гэх мэт олон талт илтгэл, семинарууд үнэ төлбөргүй тавигдах бөгөөд хөтөлбөрийн дагуу хүрэлцэн ирж, сонирхсон асуултаа асууж, зөвлөгөө авах бүрэн боломжтой.  

Ерөнхий зохион байгуулагч: БАРИЛГА МН 

Хамтран зохион байгуулагч: БАРИЛГА,ХОТ БАЙГУУЛАЛТЫН ЯАМ, БАРИЛГЫН ХӨГЖЛИЙН ТӨВ,   БАРИЛГЫН ХАНГАН НИЙЛҮҮЛЭГЧДИЙН ЗӨВЛӨЛ   

Ерөнхий ивээн тэтгэгч: MAXWELL RESIDENCE

Ивээн тэтгэгч: МОНГОЛ БАЗАЛЬТ ХК,  ACTIVE GARDEN