Өчигдөр буюу 2023 оны 8-р сарын 17-ны өдөр “Барилгын Ханган Нийлүүлэгчдийн Зөвлөл” ТББ, “Монголын Үндэсний Хулдалдаа Аж Үйлдвэрийн Танхим” хоорондын хамтын үйл ажиллагааны эхний уулзалт болж өнгөрлөө. 

Энэхүү уулзалтаар Барилгын ханган нийлүүлэгчдийн зөвлөл болон МҮХАҮТ нь хоёр байгууллагын үйл ажиллагааны зорилго, эрхлэх асуудлын хүрээнд харилцан мэдээ, мэдээллээ солилцох, барилга, дэд бүтцийн салбарт барилгын материал ханган нийлүүлэгч ААН байгууллагуудыг дэмжих, чадавхжуулах, барилгын материалын чанар стандарт, норм дүрмийг сайжруулах, бизнесийн таатай орчин бүрдүүлэх чиглэлээр уулзалт, зөвлөгөөн, хэлэлцүүлэг зохион байгуулах зэрэг ажлуудыг хамтран гүйцэтгэхээр “Санамж бичиг” -т гарын үсэг зурлаа. 

Мөн хамтран ажиллах санамж бичгийн хүрээнд “БАРИЛГЫН МАТЕРИАЛЫН ХУДАЛДААНД ТУЛГАМДАЖ БУЙ АСУУДАЛ, ШИЙДВЭРЛЭХ АРГА ЗАМ“ сэдвээр уулзалт, хэлэлцүүлгийг 2023 оны 8-р сарын 23-нд  МҮХАҮТ-ийн хурлын танхимд зохион байгуулахаар товлолоо. Уг уулзалтад Барилгын ханган нийлүүлэгчдийн зөвлөлийн Гүйцэтгэх захирал М.Эрдэнэдэлгэр, МҮХАҮТ-ын Дарга Т.Дүүрэн нар “Санамж бичиг”-т гарын үсгээ зуран баталлаа.